انت مين ؟

احمد فخر الدين ،ويب وموبايل ديفيلوبر بخبرة عشر سنين في مجال البرمجة ، وويب انستركتور ، بعشق البرمجة لكن كمان بعشق مساعدة الأخرين في تعلم البرمجة ،يمكن علشان في بداياتي قابلت صعوبة في تعلم البرمجة فقررت اني اتبنى القضية دي وعلشان انا مقتنع ان تعلم البرمجة أمر سهل.

في خلال رحلتي في تعلم البرمجة وتدريسها وجدت فجوة كبيرة بين سوق العمل ومراكز التدريب سواء داخل مصر أو خارجها ومن هنا جت فكرة الويب خطوة سهلة






وإي هي (الويب خطوة سهلة) ؟

فكرة هدفها تقليل الفجوة بين واقع سوق العمل وما يدرس نظرياً في الكورسات ، عن طريق استبدال طرق التعليم التقليدية والمناهج القديمة بنظام تفاعلي مستوحى من نظام التدريب في الشركات وال بيكون فيه معاك سينيور بيحطلك مهام تعملها وبيوجهك لطرق تنفيذها ويقدملك الدعم في حالة واجهتك صعوبات في التنفيذ.

لأن من خبرتي اكتشفت ان ال كنت بتعلمه في شهر لوحدي عن طريق التعليم الذاتي زي كورسات الانترنت المجانية والمقالات والكتب كنت بتعلمه في يومين بلا مبالغة ،وحتى الكورسات المدفوعة وجدت انها بينقصها حاجتين مهمين جدا


خطة دراسية واضحة تؤدي لمسار وظيفي واضح .

منهج دراسي ينمي مهارة التفكير البرمجي مش يلقن معلومات برمجية .

وشتان بين الأتنين.

شتان بين التعليم ..والتدريب.

شتان بين تلقين المعلومات ..واكتساب المهارات.

والفرق ده بيبقى واضح جدا لما تلاقى شخص خد كورس وخرج معندهوش أي ثقة إنه يقدر يشتغل بإيده ويبحث عن حل لأي مشكلة تواجهة لوحده ، ودا لأنه عاش دور المتلقي في عملية التعليم ، والمفترض انه كان يبقى له دور فعال من خلال أنه يقابل مشاكل ويحلها بنفسه ويبحث عن حلول ملهاش اجابة مباشرة...وهو دا واقع الشغل فعلياً


لمزيد من التفاصيل عن الموضوع ده بنصحك تراجع الحلقات دي

أفضل طريقة لتعلم البرمجة ؟

الفجوة بين سوق العمل و كورسات البرمجة ؟



طيب الكورس بيستهدف مين ؟

طلبة الجامعات وحديثي التخرج ال مدرسوش برمجة لكن حابين مجال البرمجة زي حقوق واداب وتجارة ...الخ ،و نفسهم يشتغلوا فيه ومشوشين بسبب أنهم مش لاقيين مسار واضح ومحدد يلتزموا بيه علشان يوصلوا لنتائج ملموسة .

 طب ليه الفئة دي تحديدا ؟

 علشان انا كنت واحد زيهم وقابلت نفس مشكلتهم لما قررت اني مش هشتغل بمجال دراستي لأن شغفي هو مجال البرمجة ولأني قابلت عقبات كتير خدت كتير من وقتي ونفسي اقصر الطريق عليهم واخليه اسهل من خلال نقل حصيلة خبرتي على شكل ورش عمل تبدأ معاهم من الصفر وتحطهم على أول الطريق.



طب وليه ويب مش أي حاجة تانية ؟

لسببين

  الأول أنه اكتر المجالات طلباً ، محلياً وعالمياً ؛ وحتى مع ظهور تطبيقات الموبايل زاد الاحتياج له أكثر بسبب اعتماد الموبايل عليه في تخزين البيانات والمعلومات ، 

والتاني أنه مجال بيتطور جدا لكنه في نفس الوقت مستقر جدا جدا فتقدر تتعلمه وتشتغل بيه وبعد فترة تتعلم أي حاجة تانية معاه ،بعكس مجال زي الموبايل مثلا ال ممكن تتعلم تقنية فيه وللأسف بعد سنة او اتنين تتلاشى تماما او تتغير بشكل كبير أو ينخفض الطلب عليها فجأة .

ولمزيد من المعلومات راجع الحلقة دي.

الفرق بين الويب والموبايل ؟



طب وهتعلم ايه في الكورس بالظبط ؟

هتفهم الويب شغال ازاي من خلف الكواليس من اول ما تربط جهازك بالانترنت لغاية ما بتشغل اي موقع وتتأسس صح ، وهتفهم اساسيات لغة

PHP + SQL

وتعرف تتعامل ازاي معاهم وتربط كل المفاهيم الاساسية على شكل تطبيقات وافكار ، هتاخد مشاريع عملي على كل مفهوم هتتعلمه خطوة بخطوة .. وتفاصيل المحتوى كله هتلاقيه هنا.



طب وهو مينفعش أتعلم كل ده لوحدي ؟

ينفع طبعا ، بس الفكرة في الوقت والمجهود والقدرة على الصبر ، وال غالبا مش بيتوافر لكل الناس ،انا واحد من الناس كان صعب عليا اتعلم وانجز كل حاجة لوحدي بدون توجيه وخدت وقت كبير جدا علشان أتعلم حاجات يمكن لو كان معايا حد بيوجهني مكنتش خدت فيها كل الوقت ، هتلاقي في الرابط تحت اجابة سؤالك من وجهة نظري وكمان علشان انا ضد احتكار العلم فحطتلك رابط حلقة تانية لمسار تعلم الويب ذاتيا وبالمصادر وبتمنالك التوفيق :

عن مشكلة تعلم البرمجة من يوتيوب او منصات التعليم ؟

عن مشكلة التعليم الذاتي ؟

والحلقة دي علشان تشوف المسار الكامل لتعلم الويب بدون معلم ؟



طب وايه المطلوب علشان ابدأ معاكم ؟

تكون بتحب المجال وعندك شغف بيه.

تكون شخص إيجابي متفاعل وعندك حب لمشاركة المعلومة مع غيرك.

يكون مستواك في الانجليزي متوسط في القراءة والكتابة ومش شرط النطق .

يكون عندك انترنت وجهاز كمبيوتر او لابتوب تطبق عليه .

يكون عندك علم بأساسيات html

يكون عندك استعداد تتعلم بجد مش لسا بتفكر أو متردد .

يكون عندك استعداد تشتغل بإيدك وتاخد تسكات وتلتزم بيها .



طب انا لو معرفش

html ؟

برشحلك بقوة تتعلمه من موقع w3schools ، كل المطلوب هو الإلمام بالاساسيات وهتبقى فرصة ليك كمان تعمل تست لنفسك وتشوف مدى قابليتك لتعلم البرمجة و مستواك في الانجليزي (لأن متنساش الكورس هيبقى محتواه بالانجليزي)

لمزيد من المعلومات راجع حلقة ..

لو مش عاوز تتعلم انجليزي يبقى مش عاوز تتعلم برمجة ؟



طب ايه هي مميزات ورش العمل دي ؟

لأول مرة في العالم ..انت بتفهم شبكات قبل ما تتعلم ويب علشان يبقى أساسك كويب قوي ودا لأن ال بيعلمك اصلا شبكات وحاصل على شهادة

It Essential Ii 

MSCA

بالإضافة لمنظومة دعم جديدة من نوعها...التعليم اونلاين بنظامين في نفس الوقت : مباشر وغير مباشر

الغير مباشر.. هو الشرح الأساسي ودا متسجل علشان يسهل عليك المشاهدة في أي وقت وفي أي مكان وتراجع اكتر من مرة ،ويوفر لك وقت اكتر للتطبيق في ورش العمل المباشرة.

المباشر.. ودي ورش عمل اونلاين مباشرة على تطبيق محادثة + جروب خاص ، فيه تفاعل بينك وبين بقية ال بيتعلموا معاك ،ودا بيضمن الحماسة والتفاعل المستمر وبيفتح باب التنافس للأفضل وباب علاقات مهمة لبعد كدا.





كل حلقة بتتعلمها لها اسئلة لابد تنفذها بإيدك مبني على ال اتشرحلك فيه ومعمول بطريقة للتأكد من مدى فهمك واستيعابك للشرح .





ولأول مرة في العالم ، كل حلقة فيها سؤال ملهوش اجابة مباشرة ، وبيعتمد على البحث في جوجل وده علشان يقوي مهارات البحث عندك وال هتحتاجها بعد انتهاء الكورس .

هتتعلم بطريقة

Learn by doing..

يعني هتاخد المعلومة في سياق.مبني على أحدث النظريات العلمية في تنظيم المنهج وطريقة التطبيق.

هنمسك مشاريع مختلفة وهنحللها مع بعض وفي كل مشروع هنتعلم فكرة جديدة ونربط ال اتعلمناه ببعضه ،وبنهاية الكورس هيكون عندك codebase للأفكار دي .

وفوق كل ده "هدية" تانية هتعرفها في نهاية الكورس.




والدعم هيكون ازاي ومواعيده ايه؟

الدعم عبارة عن لقاءات جماعية اسبوعية مع المدرب ،مرة او مرتين أسبوعياً تبدأ من الثامنة وحتى الساعة العاشرة مساءا في يوم السبت او الثلاثاء او كلاهما .

بالاضافة لجروب تفاعلي بين كل الاعضاء لمساعدة ومساندة بعضهم البعض في اي وقت.

اللقاءات الأسبوعية تتخللها نقاشات وأسئلة لما تم طرحه داخل المنهج فقط.

مدة الدعم اللقاءات الاسبوعية هي 10 اسابيع تحتسب منذ بدء الكورس ويمكن تجديدها باشتراك شهري .

أما بخصوص طلبات الدعم الخاص بتوقيت اكثر او توقيت مختلف عن الكورس فيتم احتسابها بشكل منفرد على أساس عدد الساعات المطلوبة للدعم.



طب افرض اني دخلت الكورس ومعجبنيش ؟

تقدر تعمل طلب سحب للمبلغ المدفوع كاملا ولمدة 30 يوم من بدء الكورس بدون شرط أو سؤال واحد لأن انا كمان مش هبقى مبسوط لو انت مستفدتش



طب هقدم على الكورس ازاي ؟

بعد القيام بتحويل مبلغ الاشتراك في الكورس فقط 1500 جنيه مصري عبر فودافون كاش من داخل مصر او 130 $ من خارج مصر عبر حساب باي بال ، ثم قم بملأ استمارة الاشتراك في الكورس من خلال الرابط بالأسفل ورفع صورة من التحويل.